KAKA YAKE POGBA ASAJILIWA UHOLANZI

Mathias Pogba, pacha wa Patrick na kaka wa Paul Pogba amesajiliwa na klabu ya Sparta Rotterdam ya Uholanzi kwa mkataba wa mwaka mmoja, huku kukiwa na kipengelea cha kuongeza mkataba endapo mchezaji huyo ataonesha kiwango kitakachowaridhisha mabosi wake. Kungo huyo mwenye miaka 26, ambaye amewahi kucheza kwenye timu za England kama Crawley Town, Wrexham and Crewe Alexandra amejiunga na Rotterdam baada ya mkataba wake na timu ya Partick Thistle ya Scotland kukatishwa kwa maridhiano ya pande zote mbili. “Ujio wa Mathias Pogba unatuongezea uimara kwenye safu yetu ya kiungo na ushambuliaji,” amesema Kocha Mkuu wa Rotterdam Pastoor “Ukumbwa wa umbile lake na uimara wake pia utachangia sana kuifanya timu icheze vizuri kutokana na mfumo wetu, bila ya kusahau uzoefu wake mkubwa katika mechi za kimataifa aliopata kwenye ligi za Scotland na Italy.”

ACACIA YAVUNJA RASMI MKATABA NA STAND UNITED, WALIOIKIMBILIA KAZI KWAO

Kampuni ya uchimbaji madini ya ACACIA Gold Mine ya Bulyanhulu ya mkoani Shinyanga imevunja rasmi mkataba wa kuifadhili klabu ya Stand United. Ikumbukwekwe klabu ya Stand United ilikuwa ni klabu yenye mkataba wa udhamini uliokuwa ukiingizia mkwanja mrefu kuliko timu nyingine yeyote inayoshirikiki VPL. ACACIA imeamua kuvunja mkataba huo kwa kwa muda uliosalia baada ya mgogoro mkubwa wa kiuongozi ulioibuka kwenye klabu hiyo, ACACIA imeamua kujitoa ili kukwepa migogoro hiyo hali ambayo huenda ikasababisha mzigo mzito kwa waliochukua timu na huenda ikawa vigumu kuiendesha kama walivyotarajia. July 8, 2015, ACACIA walitia saini kuidhamini klabu ya Stand United kwa makataba wa miaka miwili unaotajwa kufikia thamani ya shilingi za Tanzania bilioni 2.4.

WARAKA WA HART WENYE HUZUNI KUBWA KWENDA KWA MASHABIKI WA MAN CITY

Joe Hart ametoa shukrani zake za dhati kwa washabiki wa Manchester City kwa sapoti yao kubwa waliyomwonesha katika kipindi cha wiki hizi chache ambazo alikuwa akipitia wakati mgumu hali iliyopelekea kutolewa kwa mkopo kwenda kunako klabu ya Torino. Licha kuondoka Manchester City, Joe Hart bado ana mkataba na klabu hiyo mpaka mwaka 2019. Kipa huyo ambaye alikuwa tegemeza kwa kipindi kirefu sana ameamua kuandika barua iliyojaa hisia kali na kupost kwenye ukurasa wake wa Facebook. Ujumbe wake unasomeka hivi: “Ningependa kutumia fursa kuwaambia washabiki wote wa Manchester City nanma gani ninavyowakubali kwa mchango wenu mlioonesha kwangu. “Kwa wiki kadhaa sasa nimepitia kipindi kigumu lakini sitaweza kusahau safari ndefu iliyojaa mafanikio ambayo nimeyapata kwenye klabu yenu hapo “Kunzia siku ya kwanza niliposajiliwa klabuni hapo mwaka 2006, klabu na washabiki kwa ujumla walinipa faraja kubwa kwenye maisha yangu na niseme tu nawashukuru sana kwa hilo. “Soka ni mchezo wa aina yake, na kutokana na sababu mbalimbali, sasa naondoka kwenda klabu nyingine na kufungua ukurasa mpya wa maisha yangu, na niseme tu kwamba nawashukuru sana Torino kwa kunipa fursa ya kuichezea klabu hii kubwa. “Lakini niseme tu kwamba, hisia nilizopata hivi karibuni kwenye mchezo dhidi ya Steaua Bucharest (mchezo wake wa mwisho kabisa kuvaa jezi ya Man City wiki iliyopita) utabaki kwenye kumbukumbu zangu daima. Nawashukuru sana kwa kumbukumbu mliyoniachia. “Kuna watu wengi mashuhuri klabuni hapo ambao hawaonekani lakini mchango wao ni mkubwa sana kwa maendeleo ya klabu, hivyo ningependa kuitakia klabu ya Manchester City, wafanyakazi wake na wachezaji na bila kusahau mashabiki wote mafanikio mema kwenye msimu huu na mingine inayofuata.” Hart alijiunga na Manchester City mwaka 2006 na ameshinda makombe mawili ya Ligi Kuu England, Kombe la Ligi (mara mbili) na Kombe la FA.

OFFICIAL- STOKE CITY WAKAMILISHA USAJILI WA BONY

Stoke City wamethibitisha kumsajili kwa mkopo mshambuliaji wa Manchester City Wilfried Bony. Nyota huyo wa Ivory Coast atatumia msimu mzima kukipiga kwa Makuli hao huku kukiwa na makubaliano ya Man City kulipwa kiasi cha paundi mil 2 kutokana na huduma anayowapa. Bosi wa Stoke Mark Hughes amesema: “Ujio wa Wilfried naweza kusema siwezi kuutilia shaka yoyote, kwasababu anaijua vizuri ligi ya England na ameweza kufunga magoli mengi sana kwenye ligi hii. “Ana nguvu, kasi na ana mchango mkubwa sana linapokuja suala la matumizi ya nguvu kwenye utafutaji wa goli, bila ya kusahau ufundi wake mkubwa wa kufunga. “Miezi 18 iliyopita alisajiliwa kwa kiasi kikubwa cha fedha, hivyo tulifahamu kwamba tunapata straika wa kiwango cha juu kabisa.”

GENK YAITAHADHARISHA TFF JUU YA SAMATTA

Klabu ya Genk ambayo anacheza nahodha wa Tanzania Mbwana Samatta, imetoa tahadhari kwa benchi la ufundi la Taifa Stars hasa hususan upande wa madaktari juu ya Mbwana Samatta ambaye ataungana na kikosi cha Mkwasa moja kwa moja Lagos, Nigeria kwa ajili ya mchezo wa kukamilisha ratiba ya kuwania kufuzu kucheza fainali za mataifa ya Afrika nchini Gabon mwaka 2017. Afisa habari wa TFF amethibitisha tahadhari hiyo waliyopewa juu ya usalama wa Samatta katika mchezo huo. “Kauli hii imekwenda sambamba na hali ya uchezaji wa mchezaji mwenyewe, ambapo katika maelekezo wamesema wanaheshimu timu za taifa na wiki kwa ajili ya michezo ya kimataifa ya FIFA”, Alfred alikiambia kipindi cha Sports Extra cha Clouds FM. “Genk wameshauri kwamba, kabla ya Samatta ahajacheza ni vizuri akapimwa kwanza kwasababu alipewa majukumu mazito ambapo alipewa mazoezi magumu ya kuwa fit ili kuhakikisha anaisaidia timu yake kufuzu hatua ya makundi ya michuano ya Europa League. Kwahiyo walitaka kuona anapata muda wa kupumzika lakini imebidi wamwachie kwasababu anahitajika kwenye timu ya taifa.” Tanzania dhidi ya Nigeria utakuwa ni mchezo wa kukamilisha ratiba kwasababu tayari Misri walmeshafuzu kutoka katika Kundi hilo la G.

ILE ISHU YA AZAM FC, YANGA YASEMA POA TU, IKO TAYARI KWENDA CHAMAZI

Baada ya uongozi wa Klabu ya Azam kuwasilisha barua kwenye ofisi za Shirikisho la Soka Tanzania (TFF) kutaka mechi zake zote za nyumbani watakazocheza dhidi ya Yanga na Simba, zipigwe kwenye uwanja wao wa Azam Complex, Yanga wameibuka na kusema wapo tayari kwa hilo. Hivi karibuni Azam walifikisha barua hiyo ndani ya TFF baada ya kuona wananyimwa haki yao ya kuutumia uwanja huo kwa mechi zake za nyumbani wanazotakiwa kucheza na Yanga na Simba ambazo huwa zinahamishiwa Uwanja wa Taifa, Dar, hali ambayo hawataki kuona ikitokea msimu huu na kuendelea. Kumekuwa na mjadala mkubwa baada ya Azam kupeleka barua hiyo ambapo wadau wamekuwa wakitofautiana kwa kusema ni sahihi kwa Azam kufanya hivyo huku wengine wakipinga. Akilitolea ufafanuzi suala hilo jijini Dar, Kaimu Katibu Mkuu wa Yanga, Baraka Deusdedit, alisema wapo tayari kwenda kucheza kwenye uwanja huo endapo tu watahakikishiwa usalama wa kutosha kuanzia wachezaji, viongozi pamoja na mashabiki wao. “Tunaweza kwenda kucheza kwao endapo tu makubaliano yakiafikiwa ambapo ni lazima kuwe na usalama wa uhakika, mbona Yanga tunacheza Morogoro, hapa kikubwa ni suala la usalama tu na wakituhakikishia hilo, hatuwezi kupinga,” alisema Baraka Deusdedit. SOURCE: CHAMPIONI

Luiz has sealed his £32million return to Chelsea and has penned a three-year contract.

ISLAM SLIMANI AJIUNGA NA LEICESTER

JACK WILSHERE ATUA BOURNEMOUTH KWA MKOPO HADI MWISHO WA MSIMU KUTOKA ARSENAL

DIEUMERCI MBOKANI ASAJILIWA NA HULL CITY

ENNER VALENCIA AENDA EVERTON KWA MKOPO HADI MWISHO WA MSIMU KUTOKA WEST HAM

MOUSSA SISSOKO ATUA TOTTENHAM

DAVID LUIZ RASMI CHELSEA

MAHUSIANO: Katika jamii imezoeleka kuwa wanaume ndio wanaotongoza na ni nadra sana kukuta mwanamke anamtongoza mwanaume. - Wanaume hutongoza kwa sababu zipi? Je, Hujaribu, Tamaa, Upendo(Love), Hitaji la kupooza haja zake, Kuoa, Kuchuna au kutafuta wa kuzugia aonekane Una maoni gani?

Marcos Alonso is a Chelsea player! More to come from our new Spaniard throughout the evening...

Matumizi ya fedha kwenye usajili katika Ligi Kuu ya England yamepita pauni BILIONI moja kwa mara ya kwanza. Hii inamaanisha timu 13 kati ya 20 ZIMEVUNJA REKODI ZAKE ZA UHAMISHO msimu huu. Ifuatayo ni orodha ya wachezaji na timu walizokwenda pamoja na ada ya uhamisho ambao umevunja rekodi za klabu katika kununua mchezaji mmoja. Manchester United: Paul Pogba (£93.25m) Liverpool: Sadio Mane (£36m) Crystal Palace: Christian Benteke (£32m) West Ham: Andre Ayew (£20.5m) Leicester: Ahmed Musa (£16m) Southampton: Sofiane Boufal (£16m) Swansea: Borja Baston (£15.5m) Bournemouth: Jordon Ibe (£15m) Sunderland: Didier N'Dong (£13.6m) Hull: Ryan Mason (£13m) West Brom: Nacer Chadli (£13m) Watford: Roberto Pereyra (£13m) Burnley: Jeff Hendrick (£10.5m)

News from Werder Bremen in Germany that they have signed Serge Gnabry from Arsenal for a fee of around £4.5.

Fiorentina confirm they have sold Marcos Alonso (left) to Chelsea.

MUSTAFI RASMI ARSENAL Arsenal imekamilisha usajili wa beki wa kimataifa wa Ujerumani Shkodran Mustafi kwa zaidi ya pauni milioni 35. Mustafi, 24, alishinda Kombe la Dunia na timu ya taifa ya Ujerumani mwaka 2014.

MSUVA AZUNGUMZIA DAKIKA 540 ZA YANGA AMBAVYO NI MUHIMU ZAIDI

Baada ya Yanga kufanikiwa kuibuka na ushindi mnono wa kuifunga African Lyon mabao 3-0 kwenye mechi ya kwanza ya Ligi Kuu Bara, winga hatari wa timu hiyo, Simon Msuva ameibuka na kuweka wazi juu ya mipango ya ubingwa ya timu hiyo msimu huu. Msuva aliyecheza kwa kiwango cha juu na kufunga bao la pili katika mechi hiyo iliyopigwa Jumapili iliyopita Uwanja wa Taifa, Dar ameeleza pia kuhusiana na ndoto zake za kuibuka mfungaji bora msimu huu kama alivyofanya msimu wa 2014/15. Winga huyo amefafanua kuwa, ingawa wameanza kwa ushindi mzuri msimu huu lakini bado wanahitaji kujiangalia walipofika na kuitathmini ligi itakavyokuwa baada ya mechi sita zaidi ambazo ni sawa na dakika 540, kisha baada ya hapo watajua kama wana njia nyepesi kutwaa ubingwa au la. “Nia yetu ni kufanya vizuri msimu huu, lakini kwa sasa ni mapema kuzungumzia hilo, ndiyo kwanza mechi yetu ya kwanza ila imekuwa vizuri tumeibuka na ushindi mzuri. Kwa jinsi mambo yalivyo, ishu ya uelekeo wa ubingwa itabainika baada ya mechi sita mbele. “Lyon ndiyo kwanza imepanda daraja, lakini hatukuliangalia hilo wala kuweka dharau, cha msingi ilikuwa tupambane na kutengeneza mazingira mapema, ndiyo ilikuwa siri kubwa ya kuibuka na ushindi wa kwanza mnono,” alisema Msuva. Kwa kauli ya kutazama mwelekeo wa Yanga baada ya mechi sita, Msuva alimaanisha kuuvuka mtihani wa mechi sita zilizo mbele yao ambapo itaanza ugenini kucheza na Ndanda FC, kisha itacheza na Majimaji, Mwadui FC, Stand United, baada ya hapo itaumana na mahasimu wao, Simba SC na mechi ya sita itakuwa kati ya Ruvu Shooting ambayo haijapangiwa tarehe au Mtibwa Sugar. Ukipiga kwa hesabu za muda, maana yake ni dakika 540, kwani kila mechi ina dakika 90. Hata hivyo, kuhusiana na ufungaji bora, Msuva pia alieleza: “Dah! Siwezi kusema kitu kwa sasa, kama nilivyoeleza huu ni mwanzo na sijajua mbele itakuwaje, kinachotakiwa ni kuzidi kujipanga zaidi, maana ndiyo kwanza vita imeanza.” Msuva aliwahi kuibuka mfungaji bora wa msimu wa 2014/15, kwa kutupia mabao 17, msimu uliopita hakufanikiwa kutetea kiatu chake hicho ambacho kilitua kwa mshambuliaji wa Yanga, Mrundi, Amissi Tambwe aliyefunga mara 21 huku mwenyewe akifunga mabao tisa tu.

KOCHA MHISPANIA WA AZAM FC ASEMA MAREKEBISHO KIDOGO TU YANATAKIWA AZAM FC IANZE YAKE

Kocha Mkuu wa Azam, Mhispania, Zeben Hernandez, amesema kwamba kikosi hicho kinahitaji marekebisho machache kabla ya kuanza kucheza aina ya soka ambalo amekuwa akilitaka kuona linachezwa na timu yake. Zeben ambaye amepokea kijiti cha Muingereza, Stewart Hall katika kukinoa kikosi hicho mpaka sasa ameshakiongoza kushika usukani wa ligi kikiongoza kikiwa na pointi nne kikipishana na Simba kwa idadi ya mabao ya kufungwa na kufunga. Zeben amesema kwa sasa yupo kwenye mchakato wa kuwanoa wachezaji wa maeneo ya ulinzi na ushambuliaji ambapo ndipo wameonyesha wanahitaji marekebisho kwa ajili ya kuendana na aina ya soka analolihitaji. “Tayari nimeshaanza kuona mwanga ndani ya timu ambapo wachezaji wameonyesha wanaelewa mbinu zangu ninazowapa ila tatizo limebaki kwenye nafasi za ulinzi na washambuliaji ambapo napo wakishika mifumo ninayofundisha basi tutakuwa moto sana. “Nadhani sitachukua muda mrefu kuwaona wanacheza namna navyotaka kwa sababu ni sehemu ndogo tu wamebakiza kabla ya kuwa sahihi na kucheza vile ambavyo mimi nataka kuwaona wanacheza,” alisema Zeben.

DAR: CHADEMA yatangaza kuhairisha 'Operesheni UKUTA' hadi Oktoba Mosi kutoa nafasi ya mazungumzo kati ya Rais na viongozi wa Dini. - Freeman Mbowe asema wamekutana mara nyingi kwenye vikao na Viongozi wa Dini lakini CCM imekuwa ikigoma kudhuria vikao hivyo

Joe Hart has landed in Italy as his loan move to Torino edges closer to completion. The Manchester City goalkeeper was collected by the Serie A club's private jet earlier on Tuesday before being whisked off to Turin.

Chelsea have made a sensational £32million move to bring David Luiz back to Stamford Bridge. The Brazil international left for Paris St Germain in June 2014 for £50million - a world record fee for a defender - yet he is ready to return to London in a surprise transfer.

Wanawake walioolewa au walio katika mahusiano mara kwa mara hulalamika juu ya vituko mbalimbali wanavyofanyiwa na mawifi zao ambavyo hupelekea kufarakana na waume zao. - Wachache sana huweza kuhimili maneno na visa vya mawifi. Mdau wetu wa JamiiForums anauliza ni mbinu ipi aitumie kumdhibiti wifi yake?

Nchi saba, ikiwemo wenyeji Uganda, watashiriki katika michuano ya Cecafa 2016 ya wanawake mwezi Septemba. Kenya, Burundi, Zanzibar, Ethiopia, Tanzania bara na Rwanda watashiriki. Michuano hii imethibitishwa na shirikisho la soka la Afrika Mashariki na Kati- Cecafa - mjini Kampala. Katibu mkuu wa Cecafa Nicholas Musonye amesema walitarajia kupata timu moja kutoka kusini mwa Afrika lakini hawakufanikiwa. Rais wa shirikisho la soka la Uganda Injinia Moses Magogo amesema: "Tumefurahi kuandaa michuano hii. Huu ni muendelezo wa mradi wa mkakati wa kukuza soka la wanawake nchini Uganda na katika eneo zima." Michuano hiyo itaanza Septemba 11 hadi 20 katika mji wa Jinja. Burundi na Zanzibar zitacheza katika mechi ya ufunguzi. makundi ni kama ifuatavyo. Kundi A: Uganda, Kenya, Burundi, Zanzibar Kundi B: Ethiopia, Tanzania bara, Rwanda.

KANUNI 30 KWA WANAWAKE NDANI YA NDOA 1). Usinyanyue sauti mbele ya mumeo kwa sababu yoyote ile. Hiyo ni ishara ya utovu wa heshima. 2). Usifichue udhaifu wa mumeo kwa familia na marafiki zako. Itakurudia. Wewe ni mlinzi wa mumeo, naye ni mlinzi wako. 3). Usitumie mhemko yako hasi kuwasiliana na mumeo, hujui namna mumeo atakavyoitafsiri. Wanawake wenye hulka ya kujihami huwatengenezi nyumba yenye furaha. 4). Usimlinganishe mumeo na wanaume wengine, hujui maisha yao halisi yalivyo. Ukiibomoa hadhi yake, upendo wake kwako utashuka. 5). Usiwatendee vibaya marafiki wa mumeo kwa sababu huwapendi, mtu anayetakiwa kuwa wa kwanza kujitenga nao ni mumeo. 6). Usisahau kuwa mumeo alikuoa, yeye si mfanyakazi wako au mtu mwingine tofauti. Tekeleza majukumu yako. 7). Usimpe mtu mwingine fursa ya kumhudumia mumeo, watu wanawaweza kufanya mambo mengine, lakini huduma za mumeo ni jukumu lako mwenyewe. 8). Usimlaumu mumeo akija nyumbani mikono mitupu. Badala yake mpe nguvu, mhamasishe na kumshajiisha. 9). Usiwe mke mwenye matumizi ya hovyo, jasho la mumeo halitakiwi kutumiwa hovyo. 10). Usijifanye kuwa mgonjwa kwa lengo la kumnyima tendo la ndoa. Mpe kwa namna apendavyo. Tendo la ndoa ni muhimu sana kwa wanaume, ukiendelea kumnyima haitachukua muda mrefu kabla mwanamke mwingine hajatimiza jukumu hilo. Hakuna mwanaume anayeweza kustahmili kukosa tendo la ndoa kwa muda mrefu. 11). Usimlinganishe mumeo na mwanaume wako wa zamani kitandani. Ukifanya hivyo, nyumba yako inaweza kupata mtikisiko wa aina yake. 12). Usijibishane na mumeo hadharani. Hilo litashusha hadhi na heshima yake. Hitajio namba moja la mwanaume ni heshima. 13). Usimpe changamoto mumeo mbele ya watoto. Wanawake wenye busara hawafanyi hivyo. 14). Usisahau kumuandaa mumeo na kuhakikisha kuwa yuko maridadi kabla hajatoka nyumbani. 15). Usiruhusu marafiki zako kuwa karibu mno na mumeo. 16). Usiwe na haraka unapokuwa bafuni na kwenye dressing table. Huko nje mumeo anakutana na wanawake ambao wanatumia muda wao kujiremba vizuri bila haraka yoyote ili waonekane maridhawa. 17). Wazazi au familia yako hawana uamuzi wa mwisho katika ndoa yenu. Endelea kuwaheshimu, lakini wasiwe na uamuzi wa mwisho kuhusu ndoa yenu. 18). Usiegemeze upendo wako kwenye vitu vya pesa. Endelea kumheshimu mumeo licha ya kwamba unapata pesa zaidi yake. 19). Usisahau kuwa mume anahitaji mtu anayemakinika naye na kumsikiliza vizuri, hivyo unapozungumza naye acha mambo mengine. Mawasiliano mazuri ndiyo msingi wa nyumba yenye furaha. 20). Iwapo mawazo yako yamefanikisha jambo kuliko mawazo yake, usijilinganishe naye. Bali ishini na mfanye kazi kama timu. 21). Usiwe msumbufu kwa mumeo. Hakuna mume anayependa mke msumbufu. 22). Mke mvivu hajali. Hata hajui kwamba anatakiwa kuoga na kuwa msafi. 23). Je, mumeo anapenda chakula fulani? Kuwa makini sana kwenye namna ya utayarishaji wa chakula. Hakuna mume anayefanya maskhara na suala la chakula. 24). Usiwe mtu wa kumkamua sana mumeo, ukataka kila kitu uwe nacho wewe. Furahia kile kinachopatikana kulingana na uwezo wake. 25). Ifanye glasi ya maji kuwa ukaribisho wa kwanza kwa mumeo na kwa kila mgeni anayeingia nyumbani kwenu. Ukarimu maridhawa ndiyo uzuri wa kweli. 26). Usisuhubiane na wanawake wenye mtazamo hasi na wa kimakosa kuhusu ndoa. 27). Ndoa yako itakuwa na thamani kama utaipa thamani. Uzembe na kutojali ni sumu ya ndoa. 28). Watoto ni zawadi adhimu kutoka kwa Mungu, wapende na uwafunze mambo mazuri. 29). Umri usiwe kikwazo cha kuwa na ushawishi kwenye nyumba yako. Kamwe usipunguze kiwango cha huduma kwa familia yako kwa hali yoyote ile. Ifanye huduma yako kuwa yenye kujaa ubunifu maridhawa. 30). Mke anayemuabudu Mungu ni mke maridadi, daima muombee mumeo na familia yako. Ninakutakia ndoa njema. Usisahau ku share na wenzako kusambaza ujumbe huu muhimu...

Zimebaki saa chache kabla dirisha la usajili barani Ulaya halijafungwa. Je, ungependa kumuona golikipa huyu namba moja wa timu ya taifa ya England, na Man City, Joe Hart akielekea timu gani?

MBEYA CITY NAO WAMO, WAFUNGULIWA KESI RUNDO ZA KUTOLIPA MISHAHARA

Klabu ya Mbeya City, nayo imeingia kwenye listi ya kuwa moja ya klabu zinazodaiwa kutolipa mishahara wachezaji wake. Maana yake, Mbeya City ni kati ya timu zenye malimbikizo ya mishahara kama ambavyo kesi ilivyofikishwa kwenye Shirikisho la Soka Tanzania (TFF). Kamati ya Katiba, Sheria na Hadhi za Wachezaji ya TFF, iliyokaa jana imepokea kesi za Mbeya City kuhusiana na wachezaji kadhaa kudai kutolipwa mishahara yao. Them Felix, Erick Mawala na Abdallah Juma wameishtaki Mbeya City juu ya fedha za mishahara na usajili. Raymond Wawa, Simba imetia fora kwa kuwa na kesi nyingi zaidi. Coastal pia imezifungulia mashtaka Mbeya City, Kagera Sugar, JKT Ruvu juu ya fedha za fidia za wachezaji Fikirini Bakari na Ayub Yahaya (Mbeya City), Ibrahim Sheku (Kagera), Yusuf Chuma (JKT) ambao wote watamalizana ndani ya wiki moja. Them Felix, Erick Mawala na Abdallah Juma wameishtaki Mbeya City juu ya fedha za mishahara na usajili. Hii inaingiza Mbeya City kwenye doa na kuonekana haina tofauti na klabu nyingine kwa kuwa awali ilionekana ni moja ya klabu zisizokuwa na migogoro katika masuala ya mishahara. Nao, Lipuli wamefikisha malalamiko dhidi ya Mbeya City wakitaka fedha za usajili za mchezaji Mackyanda Makolo pamoja na dhidi ya JKT Ruvu wakitaka fedha ya usajili, ada ya mkoa na wilaya ya mchezaji Khasim Kisengo. Aidha, Kocha wa Serengeti Boys, Bakari Shime ameishtaki Mgambo Shooting kudai milioni 8.5 za mshahara na Mgambo wamekubali kumlipa ndani ya wiki tatu. Edward Christopher, Said Omary na Omary Seseme dhidi ya Toto African kwa madai ya fidia ya mishahara na usajili, zote ndani ya wiki moja wanatakiwa kuwa wamemalizana. Rajab Isihaka na Said Mketo wameifungulia mashtaka Ndanda wakidai mishahara na fedha za usajili, watatakiwa kumalizana ndani ya wiki hii. Akademi ya Kinondoni (Kisa) imezifungulia mashataka Azam kwa mchezaji Omary Maunda, Kagera Sugar (Hussein Abdallah), Mtibwa Sugar (Daniel Jemedari), Toto (Jafar Jafar), Majimaji (Joseph Njovu) na JKT Ruvu (Najima Maguru) ikidai fedha za malezi za wachezaji hao.

OFFICIAL- ARSENAL WAMEMSAJILI PEREZ KUTOKA DEPORTIVO LA CORUNA

Arsenal wamekamilisha usajili wa mshambulizi wao mpya Lucas Perez kutoka klabu ya Deportivo La Coruna. Meneja wa Arsenal Arsene Wenger Jumamosi alithibitisha kwamba Perez (27) pamoja na beki kutoka Valencia Shkodran Mustafi walikuwa wamefikia maridhiano binafsi, huku akiahidi kuwatabulisha leo. Hata hivyo, Washika Bunduki hao hawafafanua ni kiasi gani hasa wametumia kumsajili na wamempa mkataba wa muda gani licha ya kuarifiwa kwamba amenunuliwa kwa ada ya paundi mil 17. “Huyu si tu mfungaji, bali ni mchezaji ambaye anaweza kuleta muunganiko mzuri na wenzake, anaweza pia kupiga pasi za mwisho bila kusahau uwezo wake mkubwa wa kujitenegenezea nafasi za kufunga,” Wenger ameiambia tovuti ya klabu hiyo. “Ana jicho la goli na alikuwa na kwenye kiwango bora msimu uliopita.” Kabla ya kujiunga na Arsenal, Perez amewahi kucheza kunako klabu za Rayo Vallecano, Karpaty Lviv, PAOK na Deportivo. Nyota huyo ambaye anasifika kwa kwa uwezo wake mkubwa uwanjani pamoja na kasi, msimu uliopita alifunga mabao 17 kwenye michezo ya ligi 36 na kutoa assists 10.

BARCELONA WAMEKAMILISHA USAJILI WA MCHEZAJI MWINGINE

Barcelona imethibitisha kumsaini Paco Alcecar kutoka Valencia kwa mkataba wa miaka mitano, nyota huyo kwenye miaka 23 amehamia Nou Camp kwa ada ya uhamisho wa euro milioni 30 huku kukiwa na kipengele cha Barcelona kuongeza euro milioni mbili za ziada. Alcacer amekuwa mchezaji wa nne kwa miaka ya hivi kiaribuni kutoka Valencia na kujiunga na Barcelona akiungana na mlinzi Jordi Alba (2012) na Jeremy Mathieu (2014) pamoja na Andre Gomes ambaye amejiunga na Barca kwenye majira haya ya usajili. Amefunga magoli 13 na kutoa assists sita akiichezea Valencia msimu uliopita huku akiwa mfungaji bora wa timu ya taifa ya Hispania katika mbio za kwania kufuzu kucheza fainali za Euro 2016 baada ya kufunga magoli matano. Alitemwa kwenye kikosi cha mwisho kilichosafiri kwenda Ufaransa kwenye mashindano ya Euro 2016. Alcacer hakujumuishwa kwenye kikosi cha Valencia kilichocheza dhidi ya Eibar Jumamosi iliyopita. Baada ya kichapo cha goli 1-0, kocha wa Valencia Pako Ayesteran aliwambia waandishi wa habari mchezaji huyo hakuwa kwenye wakati mzuri wa kushindana. Usajili wa Alcacer umeangukia siku ambayo anaadhimisha siku yake ya kuzaliwa (August 30) ambapo ametimiza miaka 23.

SIMBA KUMBURUZA KESSY MAHAKAMANI

Klabu ya Simba imejiridhisha na kupeleka ushahidi kwenye kamati ya sheria na hadhi za wachezaji kuhusu sakata la usajili linalomhusu beki wa kulia wa Yanga Hassan Kessy Ramadhani na wanaamini endapo haki itasimamiwa vilivyo basi watashinda kesi hiyo. “Yanga walituandikia barua, TFF wakiomba kupewa leseni ya mchezaji Kessy kabla ya June 15 ambapo ndio ulikuwa mwisho wa mkataba wake, tena walikuwa wanamuombea leseni ya CAF lakini kimantiki huwezi kupewa laseni ya CAF bila kuwa na leseni ya ndani”, amesema Haji Manara afisa habari wa Simba wakati akizungumza na waandishi wa habari. “Kwahiyo kimsingi, Kessy alivunja mkataba, Yanga walimchezesha mchezaji ambaye aliwekewa pingamizi.” Wakati huohuo klabu ya Simba imepanga kumpeleka Kessy mahakamani wakimtuhumu kuwatuhumu baadhi ya viongozi wa Simba kutaka kumpa rushwa wakati akiwa Mtibwa Sugar. “Hatutaki kuombwa radhi kwasababu katutuhumu kila mtu kasikia nchi nzima, lazima akathibitishw mahakamani. Lakini akanithibitishie mimi niliwahi kumwambia yeye atachoma banda”, alimalizia Manara.

FA YAMKUTA NA HATIA AGUERO, SASA KUPIGWA PINI MECHI TATU

Straika wa Manchester City Sergio Aguero amekutwa na hatia na Chama cha Soka England FA kwa kosa la kumpiga kiwiko beki wa West Ham Winston Reid Aguero anaweza kukumbana na adhabu ya kufungiwa michezo mitatu ikiwemo miwili ya Premier League dhidi ya Manchester United utakaofanyika Septemba 10 na Bournemouth Septemba 17. Nyota huyo wa Argentina (28), anaweza pia kukosa mchezo wa Kombe la Ligi (EFL Cup) raundi ya tatu dhidi ya Swansea City. Aguero kwasasa yuko nje akiuguza majeraha yake ya nyama za miguu. Mwamuzi Andre Marriner hakuona tukio lile lililotokea dakika ya 76 ya mchezo wakati City wakishinda 3-1 dhidi ya West Ham Jumapili, na hivyo FA wameamua kuchukua adhabu baada ya kurudia kuangalia tukio hilo kupitia video (retrospective action). Bado ana muda wa kukata rufaa mpaka kesho Jumatano saa 2 kamili usiku.

HAZARD AMFANANISHA KANTE NA PANYA

Eden Hazard amemfananisha kiungo mpya wa Chelsea N’Golo Kante na panya kutokana na uwezo wake mkubwa wa kuzunguka uwanja mzima pindi awapo uwanjani . Nyota huyo wa Ubelgiji amevutiwa sana na aina ya uchezaji wa Kante kutokana na matumizi yake makubwa ya akili na nguvu panapohitajika. Kante, ambaye ni raia wa Ufaransa msimu uliopita alishinda kombe la EPL akiwa na Leicester City kabla ya kuhamia Darajani msimu huu. Hazard aliimabia Chelsea TV: ‘Anatupa uwezo mkubwa wa kujiamini. Mara nyingi huwa tunajaribu kupiga chenga na kuwapita wapinzani, lakini huwa tunafanya hivyo tukiamini kwamba hata tukipoteza mpira kuna mtu yupo nyuma yetu kwaajili ya kutulinda. ‘Ni mchezaji wa aina yake. Ni kama panya vile, anazunguka uwanja mzima na ana fikra za upambanaji sana, kwa ufupi ni mchezaji wa kiwango cha juu kabisa. ‘Mara nyingi ni faraja sana kucheza na wachezaji wa kiwango cha juu.’

Chelsea wapo kwenye mazungumzo na PSG ya kumrudisha David Luiz darajani kwa ada ya paundi million 30.

#Burudani Mwanamuziki Beyoncé ameondoka na ushindi mkubwa baada ya kushinda jumla ya tunzo nane ikiwemo video bora ya mwaka kupitia wimbo wake wa formation katika sherehe za utoaji tunzo za Mtv Awards mwaka 2016 Tunzo hizo pia zilitawaliwa na onesho la nguvu kutoka kwa mwanamuziki huyo kupitia wimbo wake wa Lemonade huku mwanamuziki Britney Spears akionesha ujio wake mpya jukwaani. Nani mkali kati ya Beyonce na Britney Spears?

Timu ya Al-Ittihad ya nchini Misri imevunja mkataba na mchezaji Samuel Nlend (raia wa Cameroon) baada ya kuthibitika kuwa ana UKIMWI - Mchezaji huyo alisaini mkataba wa miaka 3 kuitumikia timu hiyo tangu tarehe 24 Agosti

HATIMAYE BALOTELLI AWAAGA MASELA WAKE, YAONYESHA WAZI YEYE NA LIVERPOOL SASA BASI

Unaweza kusema kuwa sasa amekubali, kwani Mario Balotelli ameangana na masela wake baada ya kufanya mtoko maalumu jijini Manchester, usiku wa jana. Inaonekana wazi, alikuwa akiwaaga rafiki zake hao kuwa hawezi kubaki Liverpool kwa kuwa Kocha Jurgen Klopp ameonyesha wazi hamhitaji. Sasa kumekuwa na taarifa kwamba anakwenda kujiunga na Nice ya Ufaransa. Balotelli alionekana ni mwenye furaha akiwaaga washikaji zake ambao baada ya kupata msosi kwenye mhagawa wa Kiitaliano, walianza kupiga picha pamoja, kama sehemu ya kuangana.

KAMATI YA MAADILI YALITEMA SUALA LA KESSY, SASA LITAPANGIWA SIKU, SIMBA WAWASILISHA USHAHIDI

Suala la beki Hassan Kessy limechukua sura mpya baada ya kuanza kusikilizwa na Kamati ya Sheria na Hadhi za Wachezaji. Lakini imeelezwa kwamba litangiwa siku nyingine. Kamati hiyo ilikaa jana na kuwajumuisha viongozi mbalimbali wa Simba pia Yanga kwa ajili ya utetezi. Taarifa zinaeleza, Simba imewasilisha ushahidi wake ambao unaonyesha kuwa Kessy alijiunga na Yanga kabla ya mkataba wake kwisha. Suala hilo linamfanya Kessy awe amevunja mkataba na kulazimika kuangalia nini kinatakiwa baada ya kuvunja mkataba. Tayari TFF imemruhusu Kessy kuendelea kucheza wakati kamati hiyo ikiwa ndiyo imeanza kusikiliza kesi hiyo. Simba wamekuwa na uhakika kama watafanya vizuri katika kesi hiyo kwa kuwa vilelelezo kwamba alivunja mkataba kusaini mkataba mwingine na Yanga huku akiwa bado ule wao na yeye ukiwa haujaisha, uko wazi. "Kweli Simba wamewasilisha ushahidi wao na inaonekana ni kama kila kitu kipo vizuri, sasa hatujui itakuwaje, vizuri tuache suala hilo lishughulikiwe baadaye," kilieleza chanzo.

OMOG SASA AAMUA KUWAELEZA WACHEZAJI WAKE KWAMBA NAFASI BAO

Kocha Mkuu wa Simba, Joseph Omog amewataka wachezaji wake kuzitumia nafasi watakazotengeneza ili kumaliza ukame. “Ni kweli Omog amezungumza na wachezaji na kuweka msisitizo katika suala la kutumia nafasi kwa kuwa tulizipoteza nyingi sana,” kilieleza chanzo. Simba imecheza mechi mbili za Ligi kuu Bara ikianza na ushindi wa mabao 3-1 dhidi Ndanda FC kabla ya sare ya bila kufungana dhidi ya JKT Ruvu. Sare hiyo ndiyo imezua gumzo kwa kuwa Simba ilikosa nafasi nyingi za kufunga katika mechi hiyo iliyomaliza dakika 90 bila bao. Hata katika mechi dhidi ya JKT Ruvu Simba pia ilipoteza nafasi nyingi za kufunga jambo ambalo Omog pia ameliona.

SIKIA HIKI RUVU SHOOTING YA MASAU BWIRE WALICHOWAFANYIA SIMBA

Ruvu Shooting wanajua kwamba wanakutana na Simba katika mechi mechi ijayo ya Ligi Kuu Bara. Hivyo wameamua kufanya ujanja huu, wamepumzisha wachezaji wapatao wanane ili waisubiri Simba katika mechi hiyo itakayopigwa kesho Jumatano ijayo. Wakati kikosi cha Shooting kinaondoka Ruvu mkoani Pwani kwenda Songea kuwavaa Majimaji, wachezaji hao waliendelea na mazoezini. “Kweli wachezaji kama wanane hivi wakiwemo wale wapya kama Fullzuri Maganga na wenzake wamebaki kambini. “Walikuwa kwenye michuano ya majeshi, lakini sasa wanajiandaa kwa Simba wakati sisi tunatoka Songea, tunaungana nao. “Ninaamini kabisa hawa Simba tutawafunga. Tuna kikosi bora kabisa. Nilianza kusema kuhusiana na Mtibwa, watu wakadharau, lakini waliona,” alisema Masau. Katika mechi iliyopita, Simba ilibanwa na Ruvu JKT na kutoka nayo sare ya bila kufungana. Hivyo itakuwa na hasira ya kutaka kubadili gia mbele ya mashabiki wake kwenye Uwanja wa Taifa jijini Dar es Salaam.