Antonio Conte : “Naweza kuua mtu” Mzuka wa kocha Antonio Conte anapokuwa uwanjani umekuwa kivutio sana kwa mashabiki wa soka.Conte amekuwa mwenye furaha sana pale Chelsea inapopata ushindi haswa dhidi ya timu ngumu.Conte amekuwa akifanya mambo yanayowashangaza watu wengi kutokana na mizuka yake uwanjani mfano tukio alilofanya juzi alipoonekana kama anampiga kofi kocha wake msaidizi akimuelekeza kitu. Antonio Conte amekiri kwamba kocha wake msaidizi Angello Allesio amekuwa mhanga mkubwa wa mizuka yake.Allesio ndio mtu anayekaa pembeni na Conte na hii inamfanya kukumbana na dhahma zote za Muitaliano huyo anapopandisha mizuka.Hali hii huwashangaza watu wengi lakini Allesio anaonekana kumzoea Conte. Conte amekiri kwamba anaweza hata kuua mtu,Conte amesema akiona kitu hakiendi sawa huwa anachanganyikiwa sana “nikiona jambo halipo sawa,naweza kufanya lolote nadhani naweza hata kuua mtu” Conte aliiambia Sky Sports.Conte alisema katika mechi ya Arsenal alimuona Kante amekaa sehemu isiyo sahihi na alitaka kumuelekeza ila akamuona Allesio yuko pembeni ndipo alimpiga yeye akimuambia amuelekeze Kante. Conte anadai aliamini sana mbinu zake wakati anakuja Uingereza japo mechi za kwanza la ligi hiyo walishinda lakini hakuona kama walishinda kwa kutumia mbinu zake.Conte anasema anashukuru kuona mbinu zake zikiitoa Chelsea chini na sasa kuwa kati ya timu za kuogopwa nchini Uingereza. Lakini Conte bado haamini kwamba Chelsea itakuwa bingwa,Conte anasema ligi ya Uingereza hakuna kitu kiitwacho “mechi rahisi” na amewataka vijana wake wapambane tu hadi mwisho.Conte ametolea mfano Liverpool walivyofungwa na Hull City huku akikiri kwamba angependa mechi kati ya Swansea na Man City ingeisha suluhu.